नेपाल इन्भेष्टमेण्ट मेगा बैंकको खुद नाफा १ अर्ब ८० करोड

काठमाडौँ १० माघ २०८०।

नेपाल इन्भेष्टमेण्ट मेगा बैंकले चालु आर्थिक वर्षको दोस्रो त्रैमाससम्ममा १ अर्ब ८० करोड १९ लाख ४४ हजार रुपैयाँ नाफा आर्जन गरेको छ ।

यो नाफा गत आर्थिक वर्षको सोही अवधिको तुलनामा २८ करोड ४३ लाख ६३ हजार रुपैयाँले कम हो । बैंकले गत वर्षको सोही अवधिमा २ अर्ब ८ करोड ६३ लाख ७ हजार रुपैयाँ आर्जन गरेको थियो ।

यस्तो नाफा आर्जनका लागि बैंकले यो अवधिसम्ममा ७ अर्ब ७४ करोड ३८ लाख २८ हजार रुपैयाँ खुद ब्याज आम्दानी गरेको थियो यस्तो ब्याज आम्दानी गत वर्षको सोही अवधिमा ४ अर्ब १८ करोड ६३ लाख ६४ हजार रुपैयाँ रहेको थियो ।

यो वर्ष बैंकले गत वर्षको तुलनामा ब्याज आम्दानी ३ अर्ब २९ करोड रुपैयाँले बढाउन सफल हुँदा पनि बैंकको खुद नाफा भने घट्न पुगेको छ ।

यो बैंकको चुक्ता पुँजी ३४ अर्ब १२ करोड ८५ लाख रुपैयाँ रहेको छ । यसको जगेडा कोषमा २६ अर्ब ७ करोड ६७ लाख रुपैयाँ रहेको छ ।

बैंकले यो अवधिमा ३ खर्ब ८९ अर्ब ०३ करोड ४६ लाख रुपैयाँ निक्षेप संकलन गरेर ३ खर्ब १२ अर्ब ६० करोड ७४ लाख रुपैयाँ कर्जा प्रवाह गरेको छ ।

यो बैंकको खराब कर्जा चालू आवको ६ महिनासम्ममा ४.७५ प्रतिशत रहेको छ । यस्तो खराब कर्जा गत वर्षको सोही अवधिसम्ममा ३.७१ प्रतिशत मात्रै थियो ।

यो बैंकले प्रतिशेयर आम्दानी १० रुपैयाँ ६ पैसा रहेको छ । प्रतिशेयर नेटवर्थ १७०.७ रुपैयाँ छ ।

थप समाचारहरु

खातामा स्थायी लेखा नम्बर (प्यान) अद्यावधिक गर्न एन आई सी एशियाको अनुरोध सिटिजन्स बैंकद्वारा सुदूरपश्चिमका विद्यार्थीहरुलाई न्यानो कपडा वितरण ग्लोबल आइएमई बैंकको १८औं वार्षिकोत्सवको अवसरमा विषेश उपहार योजना हिमालयन बैंकको ३२औँ वार्षिक साधारण सभा सम्पन्न हिमालयन बैंकका ग्राहकलाई बुद्ध एयरको हवाइ टिकटमा छुट रुकुमको आठविसकोटमा एनएमबि बैंकको नयाँ शाखा अन्तर्राष्ट्रिय नारी दिवसको अवसरमा नबिल बैंकको वाकाथन गायक रुद्रसेनको नयाँ होली गीत ‘होली सररर’ सार्वजनिक सुनको मूल्य घट्यो महालक्ष्मी विकास बैंकको भैरहवा शाखाबाट सुनकर्जा सेवाको शुभारम्भ प्रभु बैंक लिमिटेड, गण्डकी प्रदेशद्वारा लघु, साना, मझौला उद्यम तथा उपभोक्ता ऋण केन्द्रको उद्घाटन प्रभु बैंक र कृषि बजार व्यवस्थापन समिति बीच व्यवसायिक साझेदारी सम्झौता सम्पन्न