रेमिट टू नेपाल पनि अब एनपिएसमा आबद्ध

काठमाडौँ २८ मंसिर २०७९–रेमिट टू नेपालप्रा.लि.लेआफ्नो भुक्तानी सम्बन्धी कारोबारहरुलाई नेपाल क्लियरिङ्ग हाउसको भुक्तानी प्रणालीहरु प्रयोग गरी डिजिटल माध्यमबाट भुक्तानी गर्न सक्ने व्यवस्था लागू गर्न दुई संस्था बीच सम्झौता भएको छ । सम्झौतापत्रमा रेमिट टू नेपालका तर्फबाट संस्थाका महाप्रबन्धक सन्तोष भेटुवाल र एनसीएचएलकातर्फबाट संस्थाका प्रमुख कार्यकारी अधिकृत नीलेश मान सिंह प्रधानले हस्ताक्षर गरेका छन् ।

उक्त सम्झौता पश्चात रेमिट टू नेपालको आन्तरिक भुक्तानी प्रणालीलाई एनसीएचएलको नेशनल पेमेन्ट इन्टरफेस(NPI) सँग जोडी नेशनल पेमेन्ट स्वीच (NPS)अन्तर्गतको विभिन्न भुक्तानी उपकरणहरु प्रयोग गर्न सक्नेछ । यस व्यवस्थाअनुसार रेमिटलेसम्पूर्ण भुक्तानी कारोबारहरु सोझै लाभग्राहीको बैंक खाता अथवा वालेटमा जम्मा गर्ने छ र चाँडै नै अन्य विभिन्न उपकरणहरू मार्फत पनि उक्त सेवा उपलब्ध गरिनेछ ।

एनसीएचएलका विभिन्न भुक्तानी प्रणालीहरुको एकीकृत इन्टरफेसको रुपमा विकास गरिएकोNPI मा हाल ५९ सदस्य बैंक वित्तीय संस्थाहरु आबद्ध छन् भने अन्य पिएसपी÷ पिएसओ, रेमिटेन्स कम्पनीहरु, मर्चेन्ट बैंक, सरकारी तथाअर्ध–सरकारी संस्थाहरु लगायतका ७९ गैर—बैंकिङ्ग संस्थाहरु इन्डाइरेक्ट÷प्राविधिक सदस्यका रुपमा आबद्ध छन् ।हाल १३ वटा रेमिटेन्स कम्पनीहरूले आफ्नो सम्बन्धित सेटलमेन्ट बैंकहरू मार्फत एनसीएचएलका भुक्तानी प्रणालीहरुको प्रयोग गरी रेमिटेन्स सम्बन्धी कारोबारहरु गर्दै आएका छन् ।

रेमिट टू नेपालप्रा.लि. ले एक दशक भन्दा बढी समयदेखि नेपालको रेमिटेन्स क्षेत्रमा अग्रणी भुमिका निर्वाह गर्दै आएको छ । नेपालमा प्रख्यात व्यापारिक क्षेत्र तथाउ द्यमीहरुको समूहद्वारा स्थापना गरिएको, यस रेमिटले आफ्नो आधुनिक र प्रभावकारी रेमिटेन्स सुविधाहरु मार्फत विश्वभरबाट इनवार्ड रेमिटेन्स तथा आन्तरिक रेमिटेन्स लाई पनि लक्षित गर्दै विभिन्न रेमिटेन्स सेवाहरु प्रदान गर्दै आएको छ । यसले विश्वभर रहेका आफ्ना पार्टनरहरु र देशभरका एजेन्टहरु मार्फत छिटो र भरपर्दो सेवा प्रदान गर्दै आएको छ ।

थप समाचारहरु

यी हुन् मन्त्रिपरिषद्का पाँच निर्णय सर्वसाधारणका लागि मध्य भोटेकोशीको ९० लाख कित्ता आइपीओको बिक्री खुला सामलिङ्ग पावरको आईपीओ बाँडफाँट,करिब २२ लाख आवेदकले पाएनन् युनियन लाइफको खुद बीमा शुल्क साढे २२ प्रतिशतले बढ्यो पुँजीबजारको विकासमा सघाउन प्रदेश नं. १ तयार, आर्थिक विकेन्द्रीकरणमा जोड बजाजले खोल्यो टोखा र ग्रीनल्याण्डमा नयाँ सर्भिसिङ सेन्टर सरकार र राष्ट्र बैंकको आयातमा निरन्तर कडाइ एभरेष्ट बैंकद्धारा २०७९ सालको क्यालेन्डर सार्वजनिक राष्ट्रिय वाणिज्य बैंकद्धारा देशप्यापी वित्तीय साक्षरता अभियान सञ्चालन ग्लोवल आइएमई लघुवित्तको बोनस शेयर नेप्सेमा सूचीकृत नेपाल लाइफको २१औं वार्षिक साधारण सभा सम्पन्न नेपाल दूरसञ्चार कम्पनीको चौधौं वार्षिक साधारणसभा सम्पन्न